Plantun de Prouvènço

Pèr coumpara dos planto d'encò nostre

Ceratophyllum demersum & Symphytum asperum

Courniflo

Ceratophyllum demersum

Ceratophyllaceae

Autre noum : Limoun.

Noms en français : Cornifle nageant, Cératophylle immergé.

Descripcioun :
La courniflo es uno planto d'aigo devengudo coumuno dins d'ùni relarg au nostre. Trachis dins li palun o li roubino ounte l'aigo èi pas trop mouvadisso. A tipicamen un biais en co de reinard. Se recounèis majamen à si fueio verticillado pèr 4 à 10, que dounon d'èr à de corno (courniflo) o de bano s'amès mies. Aquesto planto mostro que l'aigo, richo en minerau (poulucioun agricolo), èi pas trop bono e souvènt pas gaire claro (fotò). Es uno planto interessanto dóu poun de vist filougenetico que sèmblo uno meno primitivo de dicoutiledone.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 0,5 à 3 m
Fueio : verticilado
Tipe bioulougico : Idroufite
Cicle bioulougico : Planto renadivo

Gènre : Ceratophyllum
Famiho : Ceratophyllaceae

Ordre : Ceratophyllales

Coulour de la flour : Brunello
Petalo : >6
Ø (o loungour) flour : 3 à 5 mm
Flourido : Printèms - Estiéu

Sòu : ges
Autour basso e auto : 0 à 600 m
Aparado : Noun
Mai à juliet

Liò : Aigo
Estànci : Termoumediterran à Coulinen
Couroulougi : Cousmoupoulito
Ref. sc. : Ceratophyllum demersum L., 1753

Counsolo-(pelouso)

Symphytum asperum

Boraginaceae

Noms en français : Consoude rude, Consoude hérissée.

Descripcioun :
Aquelo counsolo fuguè, de cop que i'a, cultivado à passa tèms pèr la pasturo, pèr acò èi toujour poussible de la rescountra dins de champ. Se destrìo de Symphytym officinale subsp. uliginosum qu'a ges d'alo sus li cambo e de Symphytum × uplandicum pèr la coulour de si flour.

Usanço :
Coume lis àutri counsolo, vau miés la pas manja que caup d'alcalouïdo empouissounant pèr lou fege. Es uno planto vertuouso qu'èi poussible d'utilisa en emplastre contro d'ùni proublèmo de pèu (macaduro, blaveiròu e subretout li bruladuro), de muscle, d'articulacioun, d'estorso ... Ei perèu utilisado coume engrais verd.

Port : Grando erbo
Taio : Pancaro entresigna
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Symphytum
Famiho : Boraginaceae

Coulour de la flour : Roso
Petalo : 5
Ø (o loungour) flour : Pancaro entresigna
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Planto cultivado

Liò : Ribiero - Champ - Camin
Estànci : Pancaro entresigna
Couroulougi : Pancaro entresigna
Ref. sc. : Symphytum asperum Lepech., 1805

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Ceratophyllum demersum & Symphytum asperum

ges

Coumpara Courniflo emé uno autro planto

Coumpara Counsolo-(pelouso) emé uno autro planto